Bakıda yanğın və xilasetmə idmanı üzrə dünya çempionatı başa çatıb | Hüquqinfo.az

Hüquqinfo.az bildirir ki,

Hüquqinfo.az xəbər verir ki, Azərbaycan Fövqəladə Hallar Nazirliyi və Yanğınsöndürənlərin və Xilasedicilərin Beynəlxalq İdman Federasiyasının birgə təşkilatçılığı ilə Bakıda təşkil olunan kişilər arasında XXI, qadınlar arasında XII dünya çempionatının bağlanış və mükafatlandırma mərasimi keçirilib. Tədbirdə çıxış edən fövqəladə hallar nazirinin müavini, general-mayor Yusif Nəbiyev Azərbaycanda idmanın inkişafına göstərilən dövlət qayğısından danışıb.

Çempionatın nəticələrinə əsasən, həm kişilərin, həm də qadınların mübarizəsində Rusiya Federasiyası komandası birinci yerə layiq görülüb. Belarus Respublikası ikinci, Qazaxıstan Respublikası isə üçüncü yeri tutub. Mərasimdə qalib komandaların üzvləri, məşqçilər və Fövqəladə Hallar Nazirliyinin bir qrup əməkdaşı mükafatlandırılıb.

Tədbirin sonunda çempionatın bayrağı Azərbaycan tərəfindən gələn il yarışlara ev sahibliyi edəcək Belarus Respublikasının nümayəndəsinə təqdim olunub. Yanğınsöndürənlərin və Xilasedicilərin Beynəlxalq İdman Federasiyasının prezidenti Aleksandr Çuprian yüksək təşkilatçılıq səviyyəsinə görə minnətdarlıq edərək çempionatı bağlanmış elan edib.