Azərbaycanda Dövlət Bayrağı Günü qeyd olunur | Hüquqinfo.az

Hüquqinfo.az bildirir ki,

Hüquqinfo.az xəbər verir ki, Azərbaycanın üçrəngli bayrağı dövlət rəmzi olaraq ilk dəfə Azərbaycan Xalq Cümhuriyyəti Hökumətinin 1918-ci il 9 noyabr tarixli iclasında qəbul olunub. 1990-cı il noyabrın 17-də Ulu öndər Heydər Əliyevin təşəbbüsü ilə bu müqəddəs rəmz Naxçıvan Muxtar Respublikasının Dövlət bayrağı kimi təsdiqlənib, 1991-ci il fevralın 5-də isə müstəqil respublikanın ali qanunverici orqanının qərarı ilə ümummilli dövlət bayrağı elan edilib.

Prezident İlham Əliyevin 2009-cu il noyabrın 18-də imzaladığı Sərəncama əsasən hər il noyabrın 9-u ölkədə Dövlət Bayrağı Günü kimi qeyd olunur və bu tarix qeyri-iş günü müəyyən edilib. Həmçinin 2010-cu ildə paytaxtda Dövlət Bayrağı Meydanı və Muzeyi istifadəyə verilib.

Qeyd edək ki, bayrağın dizaynındakı mavi, qırmızı və yaşıl rənglərdən ibarət üç təməl prinsip – türkçülük, islamçılıq və müasirlik ideologiyasının müəllifi mütəfəkkir Əli bəy Hüseynzadədir. Dövlət bayrağından istifadə qaydaları Konstitusiya, müvafiq qanun və əsasnamələrlə tənzimlənir.