Azərbaycan şahmatçısı Nərmin Abdinova Avropa çempionu adını qazanıb | Hüquqinfo.az

Hüquqinfo.az bildirir ki,

Hüquqinfo.az xəbər verir ki, Yunanıstanın Hersonissos şəhərində təşkil olunan 8-18 yaşlı şahmatçılar arasında Avropa çempionatında Azərbaycan təmsilçisi Nərmin Abdinova möhtəşəm uğura imza ataraq qızıl medal qazanıb.

İdmançımız yarışın 8-ci turunda Polşa şahmatçısı Klara Szczotkanı məğlubiyyətə uğradıb. Bununla da o, qitə çempionatında ardıcıl səkkizinci qələbəsini əldə edib və bütün görüşlərini uğurla başa vurub.

Hüquqinfo.az-ın məlumatına görə, Nərmin Abdinova sabah keçiriləcək 9-cu turun nəticəsindən asılı olmayaraq vaxtından əvvəl Avropa çempionu olub. Qeyd edək ki, U18 kateqoriyasında ölkəmizə sonuncu dəfə bu nüfuzlu qızıl medalı 2014-cü ildə Batumidə Ülviyyə Fətəliyeva qazandırmışdı.