Bərdənin dördüncü dəfə raket hücumuna məruz qalmasından 6 il ötür | Hüquqinfo.az

Hüquqinfo.az bildirir ki,

Hüquqinfo.az xəbər verir ki, Ermənistanın Vətən müharibəsinin gedişində Bərdəni növbəti dəfə atəşə tutmasından 6 il ötür. Həmin vaxt, 2020-ci il oktyabrın 28-də saat 13 radələrində Ermənistan silahlı qüvvələri cəbhə xəttindən uzaqda yerləşən Bərdə şəhərinə beynəlxalq hüquqla qadağan olunmuş kasetli bombalardan istifadə etməklə zərbələr endirib.

Dinc sakinlərin sıx hərəkətdə olduğu və ticarət obyektlərinin yerləşdiyi əraziyə edilən hücum nəticəsində 21 nəfər həlak olub, 70-ə yaxın şəxs yaralanıb. Eyni zamanda, şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəyib.

Qeyd edək ki, Vətən müharibəsi dövründə Bərdə rayonunun müxtəlif silahlardan, raket və qadağan olunmuş kasetli bombalardan atəşə tutulması nəticəsində ümumilikdə 29 rayon sakini həlak olub, 112 nəfər yaralanıb. Həlak olanlar arasında 2 uşaq, 8 qadın və 19 kişi olub.