Azərbaycan ilə Böyük Britaniya arasında Strateji Tərəfdaşlıq bəyannaməsi imzalanıb | Hüquqinfo.az

Hüquqinfo.az bildirir ki,

Hüquqinfo.az xəbər verir ki, Azərbaycan Respublikası və Böyük Britaniya və Şimali İrlandiya Birləşmiş Krallığı iki ölkə arasındakı münasibətləri Strateji Tərəfdaşlıq səviyyəsinə qaldırmaq barədə qətiyyətlərini ifadə ediblər. Bu məqsədlə müvafiq Strateji Tərəfdaşlıq haqqında birgə bəyannamə imzalanıb.

Hüquqinfo.az-ın məlumatına görə, sənəddə beynəlxalq hüquq prinsiplərinə, o cümlədən sərhədlərin toxunulmazlığı və ərazi bütövlüyünə hörmət vurğulanıb. Tərəflər həmçinin 2025-ci il avqustun 8-də keçirilən Vaşinqton Sülh Zirvəsi Bəyannaməsinin əhəmiyyətini qeyd edərək regionda davamlı sülhə dəstəklərini bildiriblər.

Bəyannaməyə əsasən, ölkələr müdafiə, təhlükəsizlik, iqtisadiyyat, ticarət, bərpa olunan enerji, Orta Dəhlizin inkişafı, eləcə də təhsil, elm və rəqəmsal transformasiya sahələrində əməkdaşlığı daha da dərinləşdirmək niyyətindədirlər.